acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/armdqrmk/public_html/wp-includes/functions.php on line 6121
Հերթական “ՏՀՏ և նորարարական տեխնոլոգիաները բժշկության և առողջապահության ոլորտներում” գիտա-գործնական նիստը տեղի ունեցավ 2015 թ. հունիսի 20-ին ժ. 12:00-17.00-ին Արմենիա-Մարիոթ հյուրանոցում: Նիստը կազմակերպել են ու վարեցին Տելեբժշկության հայկական ասոցիացիան (ՏԲՀԱ) և Ինֆորմացիոն տեխնոլոգիաների ձեռնարկությունների միությունը (ԻՏՁՄ), ՀՀ Վարչապետ, պ-ն Հովիկ Աբրահամյանի բարձր հովանու ներքո անցկացվող ԴիջիԹեք Բիզնես ֆորումի շրջանակներում: Նիստն անցկացվեց ՀՀ Առողջապահության նախարարության հետ պաշտոնական համագործակցության ձևաչափով: Ներկայացվեցին զեկույցներ և ելույթներ հեռաբժշկության, էլեկտրոնային առողջապահության և հարակից ոլորտներում գործունեություն ծավալող ՀՀ կառավարական կառույցների, հայաստանյան և արտերկրյա փորձագետների, գիտա-կրթական ոլորտի, առողջապահական հաստատությունների և ձեռնարկությունների ներկայացուցիչների կողմից: Այս տարի նիստին զուգահեռ անցկացվեց նաև Հեռաբժշկության և էլ. առողջապահության 3-րդ Հայ-գերմանական սեմինարը, որ կազմում է Գերմանիայի Կրթության և գիտության դաշնային նախարարության և Հայաստանի Գիտության պետական կոմիտեի կողմից համատեղ ֆինանսավորվող համագորշակցության ծրագրի մի մաս: Նիստի կարևոր մասն էր նաևՏԲՀԱ նախագահ Գեորգի Չալտիկյանի “Կենսաբժշկական ճարտարագիտության նոր համատեղ Եվրոպական մագիստրոսական ծրագիրը Հայաստանում” վերնագրով ելույթը, որ նվիրված էր ՏԵՄՊՈՒՍ 4 ծրագրի BME-ENA նախագծի շրջանակներում մշակվող կենսաբժշկական տեխնոլոգիաների ոլորտում նոր կրթական ծրագրին, որը մեկնարկում է 2015 թ. սեպտեմբերին Հայաստանի ազգային պոլիտեխնիկական համալսարանում (ՀԱՊՀ) և Հայ-ռուսական (սլավոնական) համալսարանում (ՀՌՀ): Բացի նիստի մոդերացիայից, այս տարի ՏԲՀԱ-ն իր հայաստանյան (ՀՊԱՀ և ՀՌՀ) ու արտերկրյա (Գերմանիայից Դեգենդորֆի տեխնոլոգիական համալսարան և Կլուգհամեր ընկերություն) գերծընկերների հետ համատեղ ներկայացված էր նաև ԴիջիԹեք Բիզնես ֆորումի ցուցահանդեսին տաղավարով, որտեղ ֆորումի բազմաքանակ այցելուները հնարավորություն ունեցան տեղեկանալ ասոցիացիայի միջազգային ծրագրերի մասին, այդ թվում ՏԵՄՊՈՒՍ BME-ENA ծրագրի, ինչպես նաև Հայ-գերմանական հեռաբժշկության և էլեկտրոնային առողջապահության ծրագրի մասին:
Նիստին ներկայացված զեկույցները հասանելի են ներբեռնման այս հղումով:
