Ծրագիրը ֆինանսավորվում է Եվրոպական հանձնաժողովից բարձրագույն կրթության բարեփոխումների ծրագրով (TEMPUS)։ Բացի ԹԱՀԱ-ից, ներգրավված են 16 համալսարան ԵՄ 7 երկրից (Բելգիա, Բուլղարիա, Հունաստան, Իտալիա, Լեհաստան, Ռումինիա և Սլովենիա) և Արևելյան 4 երկրից` Հայաստան, Վրաստան, Մոլդովա և Ուկրաինա։ Այն նախաձեռնել և համակարգել է Հունաստանի Պատրասի համալսարանը: Ծրագրի հաջող իրականացումը հանգեցրեց Հայաստանի, Վրաստանի, Մոլդովայի և Ուկրաինայի մասնակից համալսարաններում կենսաբժշկական ճարտարագիտության (ներառյալ Առողջապահության ՏՀՏ, էլեկտրոնային առողջապահություն և հեռաբժշկություն) համատեղ մագիստրոսական ծրագրի մշակմանը և հաստատմանը:
