acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/armdqrmk/public_html/wp-includes/functions.php on line 6121
Հայ-Ռուսական Համալսարանում 2014 թ. նոյեմբերի 17-ից 20 –ը կայացավ Հեռաբժշկության և էլ. առողջապահության առաջին Հայ-Գերմանական սեմինարը: Միջոցառումը կազմակերպվել էր Առողջապահական տեղեկատվական և հաղորդակցական տեխնոլոգիաների ոլորտում հայ-գերմանական կրթական, գիտական և գործնական նախագծի շրջանակներում: Վերջինս իրականացվում է Գերմանիայից՝ Ռեգենսբուրգի համալսարանական բժշկական կենտրոնի, Դեգենդորֆի Տեխնոլոգիաների ինստիտուտի, և Կլուգհամեր հեռաբժշկական ընկերության, իսկ Հայաստանից՝ Հայ-Ռուսական (Սլավոնական) համալսարանի և Տելեբժշկության հայկական ասոցիացիայի համատեղ ջանքերով: Նախագիծը ֆինանսավորվում է Հայաստանի Գիտության պետական կոմիտեի և Գերմանիայի Կրթության և գիտության դաշնային նախարարության կողմից։
Սեմինարի ընթացքում ներկայացվեցին զեկույցներ՝ նվիրված երկու երկրներում հեռաբժշկության և էլեկտրոնային առողջապահության ներկա վիճակին և զարգացման հեռանկարներին, տեղի ունեցան փորձագիտական քննարկումներ և գործնական նիստեր: Նոյեմբերի 18-ին և 19-ին սեմինարի աշխատանքներին բացի նախագծի մասնակիցներից, հրավիրված էին նաև ոլորտի հիմնախնդիրներով բոլոր հետաքրքրվածները: Մասնավորապես, նոյեմբերի 18-ի նիստին Հայաստանի բժշկության, առողջապահության կազմակերպման, տեղեկատվական տեխնոլոգիաների ոլորտների մի շարք առաջատար փորձագետներ հանդես եկան զեկույցներով, որոնք արտացոլում էին մեր երկրում առկա փորձը, նախագծերն ու ծրագրերը՝ տելեբժշկության և էլեկտրոնային առողջապահության բնագավառում: Նոյեմբերի 19-ի նիստում ծրագրի գերմանացի գործընկերները ներկայացրեցին տելեբժշկության և էլեկտրոնային առողջապահության արդի վիճակը Գերմանիայում և մասնավորապես՝ Բավարիայում, խոսեցին Դեգենդորֆի Տեխնոլոգիաների ինստիտուտի կրթական ծրագրերի մասին: Կլուգհամեր ընկերության տնօրեն, դոկտոր Ա. Շմաուս-Կլուգհամերը ներկայացրեց նաև կազմակերպության տելեբժշկական նախագծերը, անցկացրեց գործնական ուսուցման դասընթաց՝ նվիրված Campus Medicus և Case.io ինտերնետային տելեբժշկական լուծումներին:
Նշենք, որ այս նախագիծը այլ միջոցառումների հետ մեկտեղ, ենթադրում է երեք սեմինարների կազմակերպում մեկամյա ժամանակահատվածի ընթացքում (2-ը՝ Հայաստանում և 1-ը՝ Գերմանիայում), նպատակաուղղված է երկու երկրների միջև Առողջապահական տեղեկատվական և հեռահաղորդակցական տեխնոլոգիաների բնագավառում համագործակցության հետագա զարգացմանը:
