acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/armdqrmk/public_html/wp-includes/functions.php on line 61216 Մայիսի, 2010թ. Իր ընթացիկ պիլոտային ծրագրի շրջանակներում Տելեբժշկության Հայկական Ասոցիացիան (ՏԲՀԱ) ԱՄՆ ՄԶ Գործակալության “Առողջության Առաջնային Պահպանման Բարեփոխումների Ծրագրի” (ԱԱՊԲ, PHCR) հետ համատեղ 2010թ. մայիսի 6-ին կազմակերպել էր “Տելեբժշկություն` ընտանեկան բժիշկների համար” մեկօրյա սեմինարը, որի նպատակն էր ծանոթացնել Հայաստանի առողջության առաջնային պահպանման ոլորտի մասնագետներին տելեբժշկության և է-առողջապահության բնագավառների, ինչպես նաև ՏԲՀԱ-ի ու նրա գործունեության հետ: Լսարանը բաղկացած էր ավելի քան 30 բժիշկներից և առողջապահության ոլորտի այլ մասնագետներից: Սեմինարին ներկա էին ԱԱՊԲ ծրագրի անձնակազմի մի շարք անդամներ, ինչպես նաև ծրագրի ղեկավար պարոն Ռ. Յոդերը:
Միջոցառման առաջին մասում Լոս-Անջելեսից (ԱՄՆ) ուղիղ տելեկոնֆերանսի միջոցով ներկայացվեց ներածական դասախոսություն ՏԲՀԱ նախագահ Գ. Չալտիկյանի կողմից: Դասախոսությունը ընդգրկում էր ընդհանուր տեղեկատվություն Տելեբժշկության և Է-առողջապահության մասին, ներառյալ նրա համառոտ պատմությունը, հիմունքները, կիրառվող սարքավորումները և լուծումները, առավելությունները և դժվարությունները, զարգացման հեռանկարները: Լուսաբանվեց նաև Ասոցիացիայի գործունեությունը` նրա առաքելությունը, նպատակները նվաճումները, ընթացիկ և ապագա ծրագրերը:
Սեմինարի երկրորդ կեսում ՏԲՀԱ խորհրդի անդամներ Ա. Ավոյանը, Դ. Գասպարյանը և Ռ. Հովհաննիսյանը խոսեցին ընթացիկ պիլոտային ծրագրի մասին, ներկայացնելով պատրաստված տեսանյութերը և մանրամասն նկարագրելով գործող տելեբժշկական մոդելը, կիրառվող ծայրամասային սարքավորումները և ՏՏ լուծումները, քննարկվեցին նաև ՏԲՀԱ-ի անդամակցության առավելություններին նվիրված հարցեր: Ծրագիրը, որը ժամանակակից տելեբժշկական սարքավորումների և լուծումների կիրառման միջոցով Ջրաշենի գյուղական ամբուլատորիայի համար հանրապետության առաջատար մասնագետների խորհրդատվությունից օգտվելու բացառիկ հնարավորություն է ընդձեռնում ընդունվեց մեծ հետաքրքրասիրությամբ: Ջրաշենի ամբուլատորիայի տնօրեն Ա. Թոսունյանը ներկայացրեց ծրագրի իրականացման առաջին 1 ամսվա ընթացքում ձեռք բերված փորձը և տպավորությունները:
Միջոցառման վերջում տեղի ունեցավ ակտիվ և հետաքրքիր բանախոսություն մասնակիցների միջև Հայաստանում Տելեբժշկության և Է-առողջապահության հեռանկարների, նման ծառայությունների անհրաժեշտության և առողջապահության համակարգի բարեփոխումների առումով նրանց ներուժի, զարգացման և ներդրման ուղիների մասին: Քննարկման ժամանակ արծարծվեցին նաև մասնագիտական և լայն հասարակության կողմից Տելեբժշկության և Է-առողջապահության ընկալմանը, տեխնիկական և նյութական դժվարություններին, առողջապահական տեղեկատվության փոխանակման գաղտնիությանը ու անվտանգությանը նվիրված և մի շարք այլ հարցեր:
ՏԲՀԱ-ն իր երախտագիտությունն է հայտնում ԱԱՊԲ ծրագրի անձնակազմին սեմինարի կազմակերպման և անցկացման ընթացքում ցուցաբերած աջակցության համար:
