Օգոստոսի 29-ից սեպտեմբերի 2-ը, Թվային առողջապահության հայկական ասոցիացիայի (ԹԱՀԱ) նախագահ, պրոֆեսոր Գեորգի Չալտիկյանը հրավիրվել էր մասնակցելու ԱՀԿ-ի հետ համատեղ կազմակերպված, Հայաստանում առողջապահական տեղեկատվական համակարգի և թվային առողջության գնահատման առաքելությանը նվիրված միջոցառումներին: Տվյալ առաքելության շրջանակներում, ԱՀԿ-ի Եվրոպական գրասենյակի և ԱՀԿ-ի Հայաստանյան գրասենյակի փորձագետներն իրականցրեցին Հայաստանի առողջապահության համակարգի և դրա թվայնացման գնահատում, որը հաշվետվության տեսքով ներկայացրեցին ՀՀ առողջապահության նախարարությանը: Հաշվետվությունն իր մեջ ներառում էր «SWOT» վերլուծություն և Հայաստանում առողջապահական համակարգի թվայնացմանն ուղղված ծրագրերի առաջարկներ:
Պրոֆեսոր Չալտիկյանը հրավիրված էր որպես կրթական և հասարակական սեկտորի ներկայացուցիչ՝ խոսելու Հայաստանում թվային առողջապահության ռազմավարական տեսլականը առաջ մղելու ԹԱՀԱ-ի ջանքերի մասին, ներառյալ Հայկական թվային առողջության նախաձեռնությունն ու եզակի Թվային առողջության մագիստրոսական ծրագրի մեկնարկը:
Միջոցառման ընթացքում տեղի ունեցավ բազմաշահառու հանդիպում ԱՀԿ-ի փորձագետների հետ և նրանց կողմից անցկացված գնահատման արդյունքների դեբրիֆինգ, ինչպես նաև Հայաստանում թվային առողջապահության զարգացման վերաբերյալ քննարկում:
Բացի հյուրընկալող ԱՀԿ Հայաստանյան ու Եվրոպական գրասենյակի փորձագետներից, հանդիպմանը ներկա էին հետևյալ կազմակերպւթյունների ներկայացուցիչներ՝
Պրոֆեսոր Չալտիկյանն իր բացման խոսքը սկսեց նշելով, որ հանդիպումը կարող է համարվել Թվային առողջության խորհրդի ստեղծման ուղղությամբ իրականացվող առաջին քայլը, որը Հայկական թվային առողջության նախաձեռնության կողմից նախանշված հիմնական միջոցառումներից մեկն է: Նա նաև առանձնացրեց Թվային առողջության ոլորտում նման բազմակողմանի հանդիպումների կարևորությունը և նկարագրեց ԹԱՀԱ-ի կողմից առողջապահության թվայնացմանն ռազմավարության մշակումանն ու պոտենցիալի զարգացմանը ուղղված ջանքերը:
Հետագա քննարկումը կենտրոնացած էր հետազոտության արդյունքների, «SWOT» վերլուծության և ԱՀԿ առաջարկությունների վրա: Հանդիպումը շոշափեց երկրի առողջապահական համակարգի թվային վերափոխման բազմաթիվ ասպեկտներ:
Պրոֆեսոր Չալտիկյանը հույս հայտնեց, որ նման բազմակողմ հանդիպումները շարունակական բնույթ կունենան և կապահովեն թվային առողջության զարգացման ստրատեգիան: Վերջինս համահունչ է նաև ԱՀԿ առաքելության հիմնական առաջարկությունների:
Լուսանկարի աղբյուր՝ ԱՀԿ հայաստանյան գրասենյակ:
